“Shëndet për të Gjithë” është një projekt i Agjencisë Zvicerane për Zhvillim dhe Bashkëpunim (SDC) i cili po zbatohet nga Instituti Zviceran i Shëndetit Publik dhe Mjekësisë Tropikale (Sëiss TPH) përmes qendrës HAP. Qëllimi i projektit është që popullsia shqiptare të përfitojë shëndet më të mirë në sajë të shërbimeve të përmirësuara të kujdesit shëndetësor parësor.
Qendra HAP fton kompanitë e interesuara të dorëzojnë ofertat për blerjen e pajisjeve e përshkruara në “Tabelën e përmbajtjes për pajisjet dhe specifikat teknike” që mund të shkarkoni KËTU.
Kompanitë ofertuese duhet të përfshijnë në ofertat e tyre:
- Ofertën në Lekë (përfshirë TVSH)
- Vlefshmërinë e ofertës
- Kohën e lëvrimit të mallit
- Specifikimet teknike për cdo pajisje të propozuar dhe katalogun përkatës (ku të nënvizohet pajisja e propozuar), në një zarf të vecantë
- Garancinë për periudhën e mirëmbajtjes së pajisjeve
- Certifikatën e cilësisë së produktit, të lëshuar nga kompania prodhuese
- Deklaratën e përputhshmërisë
- Dokumentat e regjistrimit të kompanisë (NIPTetj.)
- Dokumente që vërtetojnë se subjekti juaj ka:
- paguar të gjitha detyrimet financiare (lëshuar nga Drejtoria e Përgjitshme e Tatimeve)
- paguar të gjitha kontributet shoqërore (lëshuar nga Drejtoria e Përgjitshme e Tatimeve)
- vërtetim nga Drejtoria e Përgjithshme e Tatimeve për xhiron vjetore të 3 viteve të fundit
- Ofertat duhet të jenë të firmosura dhe vulosura
Afati i fundit për aplikim
Ofertat duhet të dorëzohen brenda datës 19 korrik 2021, ora 16.00, me shënimin ‘Blerje e pajisjeve” në adresën më poshtë. Ofertat e pjesshme nuk do të merren në konsideratë.
Qendra HAP
Rruga “Themistokli Germenji”, Pallati Helios, Kati II, Ap.1, Tiranë, Shqipëri
E-mail: info@hap.org.al ; Website: www.hap.org.al