Shëndet për të Gjithë është një projekt i Agjencisë Zvicerane për Zhvillim dhe Bashkëpunim (SDC) i cili po zbatohet nga Instituti Zviceran i Shëndetit Publik dhe Mjekësisë Tropikale (Swiss TPH) përmes qendrës HAP. Qëllimi i projektit është që popullsia shqiptare të përfitojë shëndet më të mirë në sajë të shërbimeve të përmirësuara të kujdesit shëndetësor parësor (KSHP).
HAP do të sigurojë mobiljet e nevojshme për një ambulancë të ndërtuar në bashkinë Kamëz.
Në kontekstin e kësaj nisme, Qendra HAP fton kompanitë e interesuara të dorëzojnë ofertat për blerjen e mobiljeve sipas Listës me pajisje dhe specifikimeve teknike që mund të shkarkohen KËTU.
Kompanitë ofertuese duhet të përfshijnë në ofertat e tyre:
- Ofertën në Lekë (përfshirë TVSH), në një zarf te veçantë
- Vlefshmërinë e ofertës
- Kohën e lëvrimit të mallit
- Garancinë për periudhën e mirëmbajtjes së pajisjeve
- Dokumentat e regjistrimit të kompanisë (NIPTetj.), ku kompania duhet të ketë një arkitekt/inxhinier
- Portofol të punëve të ngjashme
- Mostrat e materialeve (përfshirë pëlhurën / tekstilin) dhe mekanizmat që do të përdoren, të plotësuara me dokumente teknike si: çertifikata e origjinës, konformitetit, skedarët teknikë dhe katalogë.
- Ofertat duhet të jenë të firmosura dhe vulosura
Ju lutemi vini re se oferta financiare duhet të ketë të gjithë artikujt e listuar. Ofertat e pjesshme nuk do të merren parasysh në procesin e vlerësimit.
Transporti dhe montimi i mobiljeve do të mbulohet nga furnizuesi.
Afati i fundit për aplikim
Dosjet e aplikimeve duhet të dorëzohen në zarfe të mbyllura (në kopje të shtypura dhe të skanuara në CD/USB) brenda datës 25 Prill 2023, ora 16:00, me shënimin “Blerje e mobiljeve” në adresën më poshtë.
Qendra HAP
Rruga “Themistokli Germenji”, Pallati Helios, Kati II, Ap.1, Tiranë, Shqipëri
E-mail: info@hap.org.al ; Website: www.hap.org.al