Shëndet për të Gjithë është një projekt i Agjencisë Zvicerane për Zhvillim dhe Bashkëpunim (SDC) i cili po zbatohet nga Instituti Zviceran i Shëndetit Publik dhe Mjekësisë Tropikale (Swiss TPH) përmes qendrës HAP. Qëllimi i projektit është që popullsia shqiptare të përfitojë shëndet më të mirë në sajë të shërbimeve të përmirësuara të kujdesit shëndetësor parësor (KSHP).
HAP ka ofruar ekspertizë teknike për krijimin e modeleve të kujdesit në banesë (KB), të përshtatura për situatën e zonave rurale dhe urbane të Shqipërisë. Projekti po mbështet personelin e KSHP-ve në 8 qendra shëndetësore (QSH) në rajonet e Fierit dhe Dibrës për zbatimin e shërbimeve të kujdesit në banesë në zonat e mbuluara nga këto institucione. Në këtë kuadër, HAP do të sigurojë një sërë pajisjesh të nevojshme për të lehtësuar sigurimin e këtyre shërbimeve për popullatën e synuar në këto 8 (tetë) QSH.
Qendra HAP fton kompanitë të dërgojnë oferta për blerjen e pajisjeve që do të përdoren nga mjekët dhe infermierët që punojnë në 8 Qendrat e Kujdesit Parësor Shëndetësor të zgjedhura në rajonet e Fierit dhe Dibrës, duke lehtësuar sigurimin e shërbimeve në banesë.
Lista me pajisjet dhe specifikat teknike për ofertuesit mund të shkarkohet KËTU.
Kompanitë ofertuese duhet të përfshijnë në ofertat e tyre:
- Ofertën në Lekë (përfshirë TVSH), në një zarf te veçantë
- Vlefshmërinë e ofertës
- Kohën e lëvrimit të mallit
- Specifikat teknike të secilit produkt të propozuar dhe katalogun përkatës, në një zarf te veçantë
- Garancinë për periudhën e mirëmbajtjes së pajisjeve
- Certifikatën e cilësisë së produktit, të lëshuar nga prodhuesi
- Deklarata e përputhshmërisë
- Dokumentat e regjistrimit të kompanisë (NIPTetj.)
- Ofertat duhet të jenë të firmosura dhe vulosura
Transporti dhe instalimi i pajisjeve në 4 QSH-të e rajonit të Fierit dhe 4 QSH-të e rajonit të Dibrës, do të mbulohen nga furnitori.
Afati i fundit për aplikim
Ofertat duhet të dorëzohen brenda datës 25 janar 2021, ora 16.00, me shënimin ‘Blerje e pajisjeve për KB”. Oferta financiare dhe oferta teknike duhet të jenë në zarfe më vete dhe të dyja bashkë të jenë brenda një zarfi të vulosur. Ofertat e pjesshme nuk do të merren në konsideratë.
Për cdo pyetje teknike, mund të na kontaktoni në adresën info@hap.org.al brenda datës 15 janar 2021.
Qendra HAP
Rruga “Themistokli Germenji”, Pallati Helios, Kati II, Ap.1, Tiranë, Shqipëri
E-mail: info@hap.org.al ; Website: www.hap.org.al
Pyetje dhe përgjigje rreth tenderit